Холандија ја одложи следната фаза на ублажување на рестриктивните мерки за најмалку една недела, бидејќи бројот на случаи и притисокот врз болниците остануваат високи.

– Поминуваме низ врвот на третиот бран. Но, падот на стапката на зараза сè уште не е доволно силен, напиша холандскиот министерот за здравство Уго де Јонг на Твитер.

Теретаните, зоолошките градини и забавните паркови требаше повторно да се отворат на 11 мај, но тоа е одложено најрано за 18 мај.

Холандија минатата недела малку ги ублажи ограничувања, укинувајќи го ноќниот полициски час и дозволувајќи им на баровите и рестораните да служат мали групи на отворено помеѓу пладне и 18 часот.

Бројот на пациенти со коронавирус во холандските единици за интензивна нега во последните неколку недели се искачи на највисоко ниво оваа година, а бројот на случаи достигна нивоа регистрирани на почетокот на годината.