Компанијата „NYT“ ја купи играта „Wordle“, игра во која треба да погодувате зборови, а која во последно време стана исклучително популарна ширум светот.

Како што објави „NYT“, купувањето на „Wordle“ е само еден од низата потези со кои до 2025 година сакаат да имаат 10 милиони претплатници на своето дигитално издание. Иако точниот износ со кој „NYT“ а купил „Wordle“ не е познат, сепак станува збор за износ од седум цифри, односно некаде меѓу еден и десет милиони долари.

Што е „Wordle“?

Целта на играта е да погодите збор од пет букви од шест обиди. Доколку ја поставите буквата на вистинското место, полето ќе стане зелено. Доколку буквата е на погрешно место тогаш полето станува жолто. Сивата боја значи дека буквата воопшто ја нема во зборот.

Не мора да ја инсталирате играта, доволно е само да ја отворите овде. Исто така, на корисниците им е интересно тоа што добиваат по само една загатка дневно.

Македонската твитер заедница, буквално „откачи“ по оваа интернет занимација. Но, ние не би биле ние ако не направиме и македонска верзија. Така што на овој линк имате можност да ја играте играта со погодување зборови на македонски јазик. Симболично, играта се вика „Зборле“.

Најубавово во зборле е што не ти е временски ограничено да го најдеш решението. Меѓу третиот и четвртиот обид измив заби и тогаш ми текна.

Зборле 35 4/6

⬜⬜⬜⬜🟩
⬜⬜🟩🟩🟩
⬜⬜🟩🟩🟩
🟩🟩🟩🟩🟩

Играјте ЗБОРЛЕ https://t.co/cqvEVzDJaM

— Симона (@Caryaatid) February 5, 2022