Поддржувачите на Движењето „Жолти елеци“ денеска ја одбележуваат првата годишнина од протестот, кој започна како револт околу данокот за бензин по што стотици илјади луѓе излегоа на улиците низ цела Франција.

Додека ја прославуваат својата годишнина овој викенд, демонстрантите се обидуваат да ги оживеат протестите кои што почнале да стивнуваат последните неколку недели.

При најновите протести дошло до конфликти и многу запалени автомобили по улиците.

Tear gas: #GiletsJaunes protesters clash with police in Paris on the 1-year anniversary of the start of the yellow vest protest pic.twitter.com/aQHlRYM4jP

— QuickTake by Bloomberg (@QuickTake) November 16, 2019

Силни полициски сили се распоредени во Париз во пресрет на протестите кои честопати ескалираа во насилство и судири со полицијата. До пладне, 24 лица се уапсени низ француската престолнина.

Полицијата интервенираше и за да спречи неколку стотици демонстранти да го блокираат кружниот тек во Париз, при што била принудена да користи солзавец и водени топови.

? Deux blessés aux visages dont un journaliste soutenu par les manifestants "Courage" et il lève ✊
on va voir si les journalistes de BFM vont s'indigner ou non!!#Acte53 #Giletsjaunes #Paris #France #1An2Colère pic.twitter.com/PM7uo6Fjn2

— Gladiator (@1_jaunes) November 16, 2019

Протестите на „Жолтите елеци“ почнаа кон средината на ноември 2018 година, првично поради зголемувањето на цената на горивата и високите трошоци за живот, но прерасна во пошироко движење против претседателот Емануел Макрон и неговите економски реформи.

На почетокот, десетици илјади луѓе учествуваа во протестите, на моменти и до 300.000, а подоцна се намали нивниот број на неколку илјади.