Гвардиола: Ливерпул секогаш ни е најголем противник за титулата во Премиер лигата
Менаџерот на Манчестер сити, Пеп Гвардиола изјави дека Ливерпул и натаму е најголемиот противник на „граѓаните“ во борбата за титулата во Премиер лигата.
В недела е дербито од 11 коло, на стадионот „Енфилд“ од 17.30 часот играчите на Јирген Клоп ќе го пречекаат составот на Сити.
На табелата составот на Гвардиола од девет одиграни натпревари има 23 бодови и е на втората позиција, веднаш зад Арсенал кој има 24, додека „црвените“ кои до сега се непрепознатливи сезонава, после осум мечеви се дури на 11 место со 10 бодови.
– Ливерпул секогаш бил и секогаш ќе биде наш најголем противник за титулата. Го знам квалитетот што го имаат, тие го знаат квалитетот што го имаме ние. Кога би ми го поставиле тоа прашање на 10 кола до крајот, би рекол дека не би можеле да го достигнат врвот во лигата, со водството на Арсенал, но со оглед на позицијата на која се наоѓаме, и со Светското првенство, сè може да се случи – вели Гвардиола, а пренесува „Би-Би-Си“ (BBC).
Шпанецот в недела против Манчестер сити очекува еден тежок натпревар и ништо друго.