Гркот го скрши мразот: Циципас освои турнир по повеќе од една година
Грчкиот тенисер Стефанос Циципас го освои турнирот од серијата 250 во Лос Кабос, Мексико, откако во финалето го победи Алекс де Минор од Австралија со 2:0 (6:3, 6:4).
За Циципас ова е прва титула по повеќе од една година и пехарот во Мајорка.
Гркот со сите сили се обидуваше да дојде до трофеј, но ги загуби финалните мечеви во Синсинати, Астана, Стокхолм, Австралија опен и Барселона.
Од стартот на мечот и двајцата тенисери одиграа добар тенис. А, во двата сета имаше размена на брејкови по што Циципас успеа да добие уште еден што му овозможи победа на овој дуел.
Циципас продолжува на Мастерсот во Торонто, а неговиот ривал ќе биде подобар во дуелот меѓу Кристофер Јубенкс – Гаел Монфис.