Ватерполо репрезентацијата на Грција обезбеди пласман во полуфиналето откако со 10:4 ја совлада Црна Гора во четвртфиналната пресметка.
Грците беа подобри во сите четвртини (1:0,2:1,3:1,4:2) и тоа благодарение на промашувањата на црногорските ватерполисти.
Најдобар беше Константинос Генадиунас со пет голови, а Грција во полуфиналето ќе игра против подобриот од четвртфиналната пресметка помеѓу Унгарија и Хрватска.

Втор полуфиналист е селекцијата на Шпанија која со 12:8 (3:3,3:3,1:0,5:2) го совлада САД.
Одлучувачкиот момент за триумфот на Шпанија беше последната четвртина која ја доби со 5:2. Алваро Гранадос и Бернат Санахуја дадоа по два гола за Шпанија, додека на спротивната страна Хејнс Даубе даде три гола.
Шпанија во полуфиналето ќе се сретне со подобриот од натпреварот Србија – Италија.