Ѓоковиќ запиша два нови рекорди со победата над Качин на „Вимблдон“
Најдобриот тенисер на сите времиња нема загубено меч во првото коло на грен слем-турнирите од Австралија опен во 2006 година, додека денешната победа му беше 40-та по ред на централниот терен на Вимблдон.
Српскиот тенисер Новак Ѓоковиќ имаше успешен старт на овогодинешниот Вимблдон. Тој на стартот го совлада аргентинскиот тенисер Педро Качин со 3:0, во сетови (6:3, 6:3, 7:6), по речиси 90 минути игра.
Овој меч брзо ќе паднеше во заборав доколку Ноле со оваа победа не постигнеше два рекорди.
Србинот ја постигна 66 последователна победа во 1 коло на Грен слем турнирите. Така тој го престигна Рожер Федерер и постави рекорд од почетокот на отворената ера во 1968 година.
Novak Djokovic won his 66th consecutive opening match at a major, breaking a tie with Roger Federer for the longest streak among men since the Open Era began in 1968.
Djokovic hasn’t lost an opening match at a major since the 2006 Australian Open 😳 pic.twitter.com/Hdq7WSI3rr
— ESPN (@espn) July 3, 2023
Ѓоковиќ го нема загубено првиот меч на најсилните турнири од Австралија опен во 2006 година кога загуби од Американецот Пол Херберт Голдстејн со 2:6, 6:1, 3:6 и 2:6.
Ѓоковиќ направи уште еден чуден подвиг. Со оваа победа тој забележа 40 последователни триумфи на Централниот терен на Вимблдон. Исто така, српскиот тенисер го држи рекордот по бројот на победи на најпознатиот тениски терен во светот.