Српскиот тенисер Новак Ѓоковиќ се пласираше во полуфиналето на Мастерсот во Шангај, Кина, со победа од 2-0 над Зизу Бергс, но по мечот откри дека ова е еден од најтешките турнири во неговата кариера.

– Среќен сум со победата. Без сомнение, ова е еден од физички најтешките турнири на кои сум играл, но одам чекор по чекор и се надевам на најдоброто во иднина. Ова е мојот прв дуел со Бергс, многу позитивен човек. Искрено, играв малку порезервирано отколку што планирав. Мојот фокус беше да останам во поените и да се борам до крај – рече Ѓоковиќ.

Србинот се осврна и на својот противник во полуфиналето, Валентин Вашеро, тенисер од Монако, кој успеа да стигне до финалето на Мастерсот во Шангај како квалификант.

– Голема работа за Монако. Одлично е да се видат играчи како него и Бенџамин Балере како го подигнуваат нивото на тенисот таму. Живеев во Монако со години и сум среќен за нив. Имаме слободен ден, па ќе дадеме сè од себе во полуфиналето – вели Ѓоковиќ.

Ѓоковиќ ќе игра во полуфиналето во Шангај по 10 пат во својата кариера, што дополнително ја потврдува неговата исклучителна конзистентност и успех на овој престижен турнир.