Германски магазин објави лажно интервју со Михаел Шумахер
Германскиот магазин „Die Aktuelle“ објави интервју со легендарниот Формула 1 возач Михаел Шумахер, кој не се појавува во јавноста откако пред 10 години имаше несреќа на скијање.
Неделникот, кој е познат по објавување на неверодостојни информации, на насловната страница објави интервју со седумкратниот светски шампион со големи букви под наслов „Михаел Шумахер: Прво интервју, светска сензација“, а под него со мали букви: Звучи измамнички реално“.
Имено, новинарите за интервјуто користеле компјутерска програма „AI chatbot“, која одговарала на прашања како навистина да се работи за поранешниот возач на Џордан, Бенетон, Ферари и Мерцедес. Во наводниот разговор, кој бил објавен на две страни, меѓу другото, добиле одговори на прашањата за тоа како Шумахер се повредил во 2013 година, како семејството се грижело за германскиот возач, па дури и за кариерата на неговите деца Џина и Мик.
Quellenangabe: "Das Interview war im Internet. Auf einer Seite, die mit Künstlicher Intelligenz, kurz KI genannt, zu tun hat."
Was "Die Aktuelle" hier veranstaltet, ist selbst für ein skrupelloses Klatschmagazin bemerkenswert verachtenswert: https://t.co/xBZKQY1xUw pic.twitter.com/xqtYzTOKHd
— Simon Hurtz (@SimonHurtz) April 17, 2023
Duitsland is in rep en roer. Michael Schumacher heeft zijn eerste interview na zijn ski-ongeluk gegeven. “Geen povere, vage halve zinnen van vrienden maar antwoorden van hemzelf Door Michael Schumacher die nu 54 jaar is! Hier is het, het ongelooflijke interview! Met verlossende… pic.twitter.com/da1ZLK1Z3c
— Sander Duivestein – Author Real Fake / Echt Nep (@duivestein) April 19, 2023
Интервјуто предизвика големо негодување во медиумите бидејќи редакцијата на минхенскиот неделник користела податоци добиени од компјутерска програма за да ја зголеми читаноста. Шумахер беше повреден на 29 декември 2013 година додека бил на одмор во францускиот зимски центар Мерибел, кога на скијање паднал и со главата удрил во карпа.
И покрај тоа што носел заштитен шлем, се здобил со сериозни повреди и по две операции лекарите го ставиле во индуцирана кома поради тешки повреди на мозокот. Тој ја напушти болницата во Гренобл во инвалидска количка во септември 2014 година, а во јавноста протекоа информации дека е парализиран, не може да зборува и има проблеми со меморијата. И покрај напорите на семејството на познатиот возач да ја зачува приватноста, во медиумите се појави информација дека Шумахер бил свесен и може да оди.