Гатузо ја потврди разделбата со Милан
Оваа одлука на Гатузо доаѓа после неуспешниот обид Милан да обезбеди настап во Лигата на шампионите преку Серија А.
– Заминувањето од Милан не е лесно, но морав да донесам ваква одлука. Тоа е резултат за 18 месеци колку што бев на тренерската функција. Одлуката е болна, но правилна – рече Гатузо за италијанскиот весник „Република“.
?? The fallout from the end of Serie A continues…
Gattuso resigns from AC Milan after missing out on a CL place.https://t.co/se0bhhSJUH
— FotMob (@FotMob) May 28, 2019
Гатузо, кој дури 13 години со голем успех го носеше дресот на Милан, се откажа од сите заработки до крајот на договорот.
– Мојата приказна со Милан никогаш не може да биде прашање околу парите – додаде темпераментниот тренер.
Од ноември 2017 година го водеше клубот од „Сан Сиро“, а претходно беше стратег уште на Сион, Палермо, ОФИ и Пиза.