ГАЛЕРИЈА: Барате уживанција во жешкото лето? Среде Скопје сте во Куба, со коктел во рака и Ропа Вијеха
Далеку е Куба ако летово ја барате на географска карта, ама многу блиску е – ако тргнете по кејот кон центарот на Скопје.
Со долгогодишна традиција и специфичен кубански стил, гастрономија и музика, „Каса Кубана“ е вистински годишен одмор кога сонувате за плажа, а сте залепени за градскиот асфалт.
Менито го отсликува карактерот на ресторанот, па тука се дегустира – се разбира – кубанска кујна. Мора да пробате од реброто Хавана премиум, од Ропа Вијеха, Рол де пиле, пилешки крилца во слатко-лут сос или од автентичниот бургер Сантиего де Куба.
Не прескокнувајте да пиете коктел – може да уживате во еден, а зошто да не и во два или три, летни коктели од листата која брои над 260 коктели подготвени од искусни коктел-мајстори.
Ви носиме три рецепти директно од кујната на „Каса Кубана“, кои може да си ги подготвите и дома.
Коктел Пина Колада
3 мл бел рум, 3 мл Пинаколада крем, 2 мл сируп од кокос и сок од ананас.
Се полни шејкерот со коцки мраз, се додава 3 мл бел рум, 3 мл крем пинаколада, 2 мл сируп од кокос, а останатиот празен простор во шејкерот се пополнува со сок од ананас. Се „шејка“ неколку минути, а потоа коктелот се претура во чаша за коктел. За декорација се додава парче ананас.
Кубанско ребро
500 грама свинско ребро претходно подготвено во фурна со „барбикју“ зачин (зачин за скара), се прелива со сос подготвен од кајсија, кечап и сенф и се потпекува 15 минути. Се сервира со кубански пекарски компир и кубанско потпечено лепче со путер, лук и рузмарин.
Ропа Вијеха
Се пропржува кромид и црвена пиперка, се додава креола сос, црвен грав и 150 грама претходно варено телешко месо, исечкано на коцки. Се зачинува со сол и бибер. За подлога се подготвува динстан ориз, а претходната смеса се оформува во модла. Се декорира со црвена и зелена пиперка и зелен (лајм) лимон.