Футсал: Македонија на три секунди пред крајот извлече бод против Италија
Македонската футсал репрезентација денес на домашен одигра 3:3 против Италија.
Во првото коло во квалификациите за Светското првенство Македонија беше поразена на гости против Шведска со 5:2, за денес во второто коло да го освоивме првиот бод.
Италија набрзина во 11. минута прво преку Мота, па преку Ло Чичеро во 16. минута дојде до 2:0. Сепак, таквиот резултат не ја откажа мотивираната Македонија, преку Рамадани во 18. минута намаливме на 2:1.
После 15 минути игра во вториот дел Мота го постигна вториот гол и го врати водствот од два гола на Италија. Ние намаливме со автоголот на Ло Чичеро на четири минтуи до крајот. До реми дојдовме со голот на Крстевски точно на три секунди пред истекот на времето.
Треба да се спомене дека големи заслуги за овој бод на Македонија има и голманот Петровски кој одбрани неколку тешки удари.