Фудбалска револуција во Лигата на шампионите, ждрепката ќе се одредува компјутерски
Следната сезона фудбалската Лига на шампионите ќе има нов изглед, бидејќи досегашниот начин на натпреварување со четири екипи во секоја група ќе замине во историјата, а во иднина ќе се игра лигашко натпреварување.
Но, тоа нема да биде единствената промена, бидејќи ќе се промени и ждрепката. Во иднина нема да има стандардна церемонија на која еден од познатите фудбалери и првите луѓе на УЕФА ги извлекуваат топчињата. УЕФА одлучи да воведе вистинска револуција, па наместо стандардната ждрепка, во иднина ждрепката ќе се одредува компјутерски.
🚨The Champions League draw will be completed by a computer next season 🖥️⚽️
Clubs will be manually drawn initially, then a computer will take over and select their 8 opponents for the 36 team league 👀🇪🇺 pic.twitter.com/uNRmj1W1Hj
— LiveScore (@livescore) March 12, 2024
Навивачите не се многу ентузијасти за ова, бидејќи сметаат дека само тогаш има простор за манипулации, но во иднина ждрепката ќе биде таква. Да потсетиме, следната сезона Лигата на шампионите ќе брои 36 клуба, па групната фаза ќе биде минато.
Според најавите ќе има четири шешири од девет тима, рангирани според коефициентот на УЕФА за пет години, при што клубовите ќе се соочат со по два противници од секој шешир. Клубовите нема да можат да извлечат тимови од нивната земја, освен ако не ги има премногу во еден шешир. Ова би влијаело само на лигите со четири или повеќе клубови во натпреварувањето, иако УЕФА верува дека ќе може да го избегне ова следната сезона.
Тоа значи дека единствениот рачен аспект ќе биде свечениот дел од изборот на тимот чии натпревари ќе бидат ждребени. Компјутерот потоа автоматски ќе ги додели противниците на тој тим од сите четири шешири и ќе одлучи кои натпревари ќе се играат дома, а кои на гости.
A new expanded Champions League format from next season means computers are going to be used to make the draw 💻
Clubs will be drawn manually and then the computer will take over and select their eight group opponents. pic.twitter.com/c4OnUcfHbK
— Sky Sports News (@SkySportsNews) March 12, 2024
На пример, ако во еден шешир се: Манчестер сити, Севиља, Барселона, Наполи, Баерн Минхен, Пари Сен Жермен, Бенфика, Феенорд, Реал Мадрид. УЕФА ќе извлече една екипа, на пример Барселона. Нејзините ривали потоа ќе бидат откриени еден по еден по пат на компјутерска жрепка.
Исто така, потврдено е дека ќе има две, ограничени ждрепки во нокаут рундата, едната на крајот од прелиминарната фаза кон крајот на јануари, а другата на крајот на февруари за осминафиналето. Нема да има ждрепка за четвртфиналето и полуфиналето.
