Фудбалерот на Барса Обамејанг претепан и ограбен во неговиот дом
Според „Ел Паис“, кој се повикува на полициски извори, Пјер-Емерик Обамејанг бил нападнат во Барселона од најмалку четири маскирани лица кои упаднале во домот на ѕвездата на каталонскиот клуб. Во таа прилика бил претепан и ограбен.
Нему и на целото семејство му се заканувале со пиштоли, а не се знае со колку повреди се здобил напаѓачот.
Шпанските медиуми јавуваат дека од куќата однеле поголема сума пари и накит, а го принудиле Обамејанг да го отвори сефот во кој имало многу вредни предмети.
Маскираните лица побегнале со бело „Ауди А3“, а сопругата на фудбалерот ја известила полицијата за нападот. Во моментов се трага по напаѓачите.
Ова не е прв ваков инцидент во Барселона, бидејќи претходни жртви на вакви напади беа уште двајца играчи на оваа екипа, Жорди Алба и Жерар Пике.
Pierre-Emerick Aubameyang and his wife were threatened with firearms and iron bars during an armed robbery at the Barcelona striker’s home, according to Spanish newspaper El Pais. pic.twitter.com/HtjM4tT5QL
— GOAL (@goal) August 29, 2022