Франција ќе бара стручна помош од Русија – Слободен печат
ВестиПланета

Франција ќе бара стручна помош од Русија

На Франција можеби ќе и биде потребна стручна помош од Русија во обновата на катедралата Нотр Дам.

На Франција можеби ќе и биде потребна стручна помош од Русија во обновата на катедралата Нотр Дам, која изгоре во април, изјави француската амбасадорка во Москва, Силви Берман.

– Пред се, сакам да и се заблагодарам на Русија што изрази загриженост за овој трагичен пожар. Формиравме агенција во Париз која работи на реставрацијата на катедралата Нотр Дам и таа ќе контактира со Москва. Тие ќе утврдат каква стручна помош ни е потребна. Подготвени сме да повикаме експерти во Париз, рече Берман.

Познатата катедрала од средниот век Нотр Дам беше значително оштетена во голем пожар на 15 април.

Уништена е централната кула и голем дел од кровот, додека остатокот од објектот, главните уметнички дела и реликвиите беа сочувани.

Причините за катастрофата сè уште не се познати.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close