Францускиот институт во Скопје и Амбасадата на Франција во Северна Македонија, со поддршка на „Зегин“, „Публицис“ и Младинскиот културен центар, организираат гала француска филмска вечер со проекција на филмот „Изгубени илузии“ во режија на Гзавие Џаноли.

Филмот е екранизација на истоимениот роман на Балзак и е овогодишен добитник на седум награди „Цезар“, меѓу кои и „Цезар“ за најдобар филм, а ќе биде прикажан на 16 декември 2022, во 20 часот, во кино „Милениум“.

„Гзавие Џаноли одлично одговара на предизвикот: да го исчисти правот од Оноре без младешки претерувања и да го прилагоди Балзак на филм без да му ја издаде душата“, напиша „Пари-Мач“.

Настанот ќе го отвори Н.Е. г-дин Сирил Бомгартнер, Амбасадор на Франција.

Бесплатни билети за проекцијата можат да се резервираат преку Францускиот институт во Скопје.