Франција го обвини Лукашенко за трговија со луѓе

Лукашенко/ Фото: EPA-EFE/ANDREJ CUKIC

Француските власти денеска го обвинија семејството на белорускиот претседател Александар Лукашенко дека стои зад „мудро организираната трговија со луѓе“ во Европската унија (ЕУ), преку Турција и Дубаи, пренесува БФМ. 

„Оваа трговија со луѓе е организирана директно од самото семејство Лукашенко, со трети земји, преку организирање комерцијални летови и тури“, изјави францускиот државен секретар за европски прашања Клемент Бон. 

Според него, белорускиот режим „мудро организира“ шверц преку Турција и Дубаи, додека дел од мигрантите биле транспортирани од Ирак. 

ЕУ се сомнева дека Лукашенко со авион носи мигранти од Блискиот Исток и Африка во Минск, по што ги испраќа во Литванија, Латвија и Полска како одмазда за санкциите што ЕУ ги воведе кон Белорусија. 

Видео на денот