ФОТО+ВИДЕO | Не ѝ е омилена: Ана Винтур ја игнорирала Ким Кардашијан на Модната недела во Париз
Љубителите на модата, но и на шоу-бизнисот, љубопитно ги следат сите новости во врска со Модната недела во Париз, која почна на 25 септември, а завршува утре.
Меѓу оние кои имаа свое модно шоу во француската метропола е и британската модна дизајнерка и пејачка, Викторија Бекам. Таа ја претстави својата колекција пролет/лето за 2024 година на гламурозна ревија во петокот (29 септември), на која присуствуваа повеќе познати личности.
Но, она што го привлече вниманието на јавноста беше однесувањето на главната уредничка на американското издание на реномираното списание „Вог“, Ана Винтур, кон ѕвездата на реалните шоуа – Ким Кардашијан.
Корисниците на социјалните медиуми се убедени дека Винтур ја игнорирала Кардашијан, па дури и дека во даден момент го сменила своето место на седење за да ја избегне.
Но, спротивно на шпекулациите, подоцна било потврдено дека двете го проследиле шоуто – една од друга. Сепак, неминовно е да се забележи дека говорот на телото на Винтур индицира на тоа дека Кардашијан не ѝ е најомилена јавна личност и дека, делумно, била на дистанца од неа.
Инаку, Ким Кардашијан пристигнала на ревијата во друштво на нејзината мајка, Крис Џенер, и партнерот на мајка ѝ – Кори Гембл.
Kim Kardashian arriving at Victoria Beckham ss24 pic.twitter.com/iMbQrd5C1u
— ➳❥ (@VANITYxVAULT) September 29, 2023