Фотоизложба на Александар Кондев: „Лицата на Европа“ се претставени во „Мала станица“
Изложбата со фотографии „Лицата на Европа“ од македонскиот фотограф Александар Кондев е поставена во „Мала станица“ во рамките на манифестацијата „Денови на европско Скопје“.
Фотографиите на Кондев се настанати во последниве децении за време на негови лични патувања, како и на патувања со ансамблот „Орце Николов“ на најпознатите фолклорни фестивали во Европа.
Покрај портретите во нивната средина на живеење, на фотографиите може да се види сета убавина на традицијата и фолклорот што се негува на различни страни на европскиот простор.
Лицата на портретираните покажуваат колку луѓето на Европа се културолошки блиски, многу поблиски од што мислиме во секојдневието.
(Текстот и фотографиите се објавени во „Културен печат“ број 104, во печатеното издание на весникот „Слободен печат“ на 6-7 ноември 2021)