ФОТО | Вандализиран споменикот на Ана Франк во Амстердам
Споменикот на Ана Франк во Амстердам, Холандија е вандализиран со графит „Газа“ испишан со црвено, соопшти полицијата.
Препорачано
Полицијата во Амстердам отвори истрага за инцидентот, а сè уште никој не е уапсен.
Споменикот се наоѓа во парк во близина на местото каде што живееле Ана Франк и нејзиното семејство пред да бидат принудени да се кријат од нацистите за време на Втората светска војна.
Nog meer “antizionisme”: het beeldje van Anne Frank op het Merwedeplein in Amsterdam, waar de Joodse dagboekschrijfster woonde tot het moment dat ze in 1942 onderdook, is beklad met rode verf en de tekst ‘Gaza’. Er is aangifte gedaan bij de politie. pic.twitter.com/2HBMwRai7Z
— CIDI ?️ (@CIDI_nieuws) July 9, 2024
Вандалскиот чин најостро го осуди градоначалничката на Амстердам, Фемке Халсема, посочувајќи дека на ниту еден Палестинец не му помогнало тоа што споменикот е оштетен и дека нема оправдување за оваа постапка, пренесува „Си-ен-ен“.
Портпаролот на полицијата за „Си-ен-ен“ изјави дека полицијата добила пријава за вандализам во вторникот попладне.
Да потсетиме, Ана Франк беше уапсена во 1944 година со уште седум Евреи, кои речиси две години се криеле од нацистите во Амстердам, по што биле депортирани во концентрациониот логор Берген Белсен во Германија, каде што Ана починала кога имала 15 години.
Зад себе оставила дневник што го водела и во кој ги опишала ужасите на холокаустот, а го објавил нејзиниот татко во 1947 година.
