ФОТО | Се појави полугола, но сите зборуваат за нејзината фризура: Косата на Мајли Сајрус на Греми стана интернет сензација!
Познато е дека Мајли Сајрус сака да експериментира со модните изданија, па овој пат не ги разочара обожавателите со своето појавување на синоќешното доделување на наградите Греми.
Музичката ѕвезда Мајли Сајрус повторно ги „запали“ социјалните мрежи со својот храбар изглед на црвениот тепих.
По нејзиното пристигнување на наградите Греми, гледачите побрзаа да ја споделат својата реакција на нејзиниот драматичен изглед, кој се состоеше од проѕирен фустан од златна мрежа од Мејсон Марџела и високи потпетици од познатиот дизајнер Кристијан Лобутин.
Додека фустанот на Мајли повеќе откриваше отколку покриваше, во исто време големо внимание привлече и нејзината фризура и го подели интернетот. Многумина ја споредија со познатите бранови на поранешната британска премиерка Маргарет Тачер, чии локни своевремено беа тема на озборување, бидејќи изгледаат неподвижни.
Други, пак, ја споредија нејзината фризура со онаа што ја носи Доли Партон, која е ѝ кума на Мајли.
„Што се случува со косата на Мајли Сајрус?“, праша еден следбеник, додека друг се пошегува дека пејачката се обидува сама да ја врати големата коса од 80-тите години.
Нејзината фризура исто така беше споредувана со онаа на Курт Расел, а некои се пошегуваа дека изгледала како да ја удрила струја пред доделувањето на наградите.
66. издание на наградите Греми: Тејлор Свифт, Били Ајлиш и Мајли Сајрус ја одбележаа вечерта