ФОТО | Салма Хајек со потресни зборови се прости од Метју Пери: Меѓу нас имаше посебна врска
По веста за смртта на Метју Пери, најпознат по улогата на Чендлер во стикомот „Friends“, се огласија многу познати личности од светската сцена, како и негови обожаватели.
Меѓу бројните колеги кои во неверување му оддадоа почит на актерот беше и познатата Салма Хајек која сподели неколку фотографии со него, под кои напиша потресна порака, пренесува „Пипл“.
„Пред два дена се разбудив со шокантната вест дека Метју Пери повеќе не е со нас. Ми требаа неколку дена да ја обработам оваа тага. Посебна врска се создава кога ги споделувате соништата со некого и работите заедно на нив за да се остварат“, напиша Салма.
Актерката глумеше заедно со Пери на филмот „Fools Rush In“. Таа напиша дека за актерот овој филм е „најдобриот филм што некогаш го снимил“.
„Бев многу трогната кога Метју минатата година сподели на својот Инстаграм колку многу го сака „Fools Rush In“ и додаде дека филмот што го направивме заедно е веројатно неговиот најдобар филм. Со текот на годините, тој и јас се потсетувавме на тој важен период од нашите животи со длабоко чувство на носталгија и благодарност. Пријателе прерано си замина, но јас ќе продолжам да ја ценам твојата лудост, твојата упорност и твоето љубезно срце. Збогум сладок Метју никогаш нема да те заборавиме “, додаде актерката.
Инаку, актерот Метју Пери ненадејно почина на 54-годишна возраст. Како што објави Ти-ем-зи, повикувајќи се на издржани извори, Пери наводно бил пронајден мртов во неговата хидромасажна када во саботата, а како причина за смртта е наведено „давење“. Исто така, беше соопштено дека не била пронајдена дрога во неговиот дом.
Творците на „Пријатели“ за Метју Пери: Ние сме благословени што беше дел од нашите животи
ФОТО | Детали за смртта на Метју Пери, пред неговата куќа татко му и полицијата