Целата јавност во светот со големо внимание ги следи случувањата кои му претходат на погребот на принцот Филип…

Вчера принцот Чарлс (72) за првпат е виден во јавноста од смртта на неговиот татко, принцот Филип (99). Чарлс во друштво на сопругата Камила, прошета во близина на палатата и ги разгледуваше оставените пораки и подароци од народот во чест на неговиот татко.

72-годишниот принц не можеше да ги сокрие солзите додека ги читаше трогателните пораки, додека гледаше во оставените букети, писма и цртежи, па дури и воени автомобили кои беа наменети за неговиот татко.

И додека многумина погодуваат дали сега е моментот кога кралицата Елизабета ќе му го препушти тронот на својот син, тоа изгледа воопшто не допира до принцот Чарлс. Тој не ја крие својата тага, а неговите солзи се чист доказ дека за смртта на родителите никогаш не можеш да бидеш подготвен, дури и доколку тие доживеат 99 години.