ФОТО | Потрагата по Мадона е во тек: Овие актерки се на врвот на листата за биографскиот филм
Ќе се снима биографски филм заснован на животот на кралицата на поп музиката Мадона. Филмот, моментално е во пред продукција и наводно повеќе млади ѕвезди, ја „ловат“ посакуваната улога.
Актерките на врвот на потесниот избор се: Џулија Гарнер, Флоренс Пуг, Алекса Деми, Одеса Јанг, пејачките Бебе Реџа и Скај Фереира и актерката Ема Лерд, според „Hollywood Reporter“.
View this post on Instagram
Извори за публикацијата изјавија дека кандидатите мора да издржат „исцрпувачки“ процес на аудиција со директорката на кастингот Кармен Куба, како и „Војнички камп за Мадона“, кој се состои од интензивни тренинзи за кореографија кои траат до 11 часа на ден со кореографот на Мадона и самата поп икона.
Во делот за втор повик од процесот, актерките мора да го читаат сценариото со Мадона (63), како и да прават аудиции за пеење.
„Треба да бидете способни да направите сè“, откри друг инсајдер.
Според изворите, филмот ќе ја прикажува турнејата на пејачката од 1990 година – „Blonde Ambition“, но може да има измени бидејќи сценариото сè уште се пишува.
View this post on Instagram
ФОТО+ВИДЕО | Розовиот сатенски фустан што го носеа Мадона и Мерилин Монро наскоро на аукција
Мадона се појави во „The Tonight Show Starring Jimmy Fallon“ минатиот октомври и објасни зошто одлучила да создаде филм за нејзината славна кариера.
„Причината поради која го правам тоа е затоа што многу луѓе се обидоа да напишат филмови за мене, но тие секогаш се мажи“, истакна таа.
Мадона објави во 2020 година дека ќе го режира биографскиот филм и ќе го снима со сценаристот Диабло Коди. Сепак, оскаровката го напушти проектот и Ерин Кресида Вилсон се вклучи.
View this post on Instagram
ВИДЕО | Предлог воени филмови: Нешто за плачење, нешто за надеж
