Рачна чанта украдена пред повеќе од 30 години е повторно во рацете на нејзината сопственичка, откако била пронајдена во Абердин, Велика Британија, пишува „Би-би-си“.

Чантата ѝбила земена на 81-годишната Одри Хеј на нејзиното поранешно работно место во градот. Се претпоставува дека крадецот земал повеќе од 200 фунти од чантата, а потоа била фрлена во реката Дон.

Три децении подоцна, единаесетгодишната Мејзи Коутс шетала покрај реката Дон со своите родители и ја нашла старата торба со различни предмети како пенкала, монети, кармин, обетки, клуч, лекови и кредитна картичка. Мејзи и нејзините родители решиле да ја пронајдат сопственичката, со помош на социјалните мрежи.

 „Се шетав со кучето, мајка ми и татко ми и ја здогледав чаната…„Реков ‘мамо сакаш ли нова чанта?’“, вели Мејси.

„Објавив на социјалните мрежи и на крајот ја најдовме Одри. Таа потврди дека тоа е нејзината чанта и дека е украдена пред 30 години. Моќта на социјалните медиуми е неверојатна“, раскажува мајката на Мејси.

Одри Хеј раскажа дека нејзината чанта била украдена додека била надвор од канцеларијата на тогашното работно место. Таа веднаш се јавила во полиција и ја пријавила кражбата, но од то момент немала информација за чантата и нејзините лични предмети.

„Ова не го очекував. Неверојатно е што преживеа. Таа е единствената чант што сум ја изгубила“, вели Одри.

Младата Мејси вели дека ова е неверојатно и неочекувано искуство и е пресреќна што успеала да помогне.