Претседателот на КФСМ, Перо Антиќ оствари работна посета на Меѓународната Кошаркарска Федерација, на покана на Генералниот Секретар на ФИБА, Андреас Заглис.

На состаноците во просториите на ФИБА во Женева се говореше за поддршката од страна на ФИБА, за организација на младинските Европски првенства, за идните планови на Кошаркарската Федерација како и за бројните проекти за развој на млади и талентирани играчи.

Генералниот Секретар на ФИБА му подари и врамен записник од првиот натпревар под капата на ФИБА на кој настапи Антиќ.

Станува збор за натпревар од 17.07.1999 година во рамки на Европското кадетско првенство кое се организираше во Словенија.

Антиќ на споменатиот меч, односно победата над Хрватска (105:72) за 23 минути поминати на паркетот постигна 20 поени. На тоа кадетско ЕП Македонија имаше одличен старт освојувајќи го првото место во групата „А“ пред репрезентации како Франција и Шпанија, на крајот го освои шестото место од 12 репрезентации колку што учествуваа.

Потсетување дека во изминатиот период Перо Антиќ беше реизбран за претседател на македонската кошаркарска федерација.