ФОТО | Ова е новото момче на Ана Винтур: Актерот ѝ го „стопи“ срцето на ледената модна кралица
Легендарната уредничка на „Вог“, Ана Винтур синоќа пристигна на Мет гала рака под рака со британскиот актер Бил Нај и се чини дека јавно ја потврди врската со британскиот актер.
Познатите Винтур и Нај, обајцата 73, првпат ги поттикнаа гласините за нивната романса уште во 2021 година, кога уживаа во неколку заеднички романтични вечери во Италија. Тие беа видени како се забавуваат и на проекцијата на неговиот филм „Living in New York“ минатиот декември, а нивното заедничко пристигнување на Мет гала сега изгледа како јавна потврда за нивната врска, пишува „Дејли Мејл “.
Познатата уредничка, која е домаќин на настанот речиси 30 години, носеше бел фустан од Шанел со дезен, додека Нај се одлучи за едноставен темен костум. Креацијата што ја избра Винтур е фустан со блескави сребрени украси и златни и виолетови детали. Изгледот го комбинирала со сребрени штикли со прерамки. Таа цврсто се држеше за раката на актерот додека заедно позираа пред фотографите.
Се претпоставува дека тие се познаваат со години бидејќи, парот е виден заедно на бројни модни ревии, театри и ресторани од 2015 година. Тие, наводно, се зближиле откако Ана се разделила од нејзиниот партнер Шелби Брајан, во октомври 2020 година. Последната позната врска на Бил, била со англиската актерка Дијана Квик.