Пејачот Џастин Бибер (29) и манекенката Хејли Бибер (26) ја прославија петтата годишнина од бракот, а по тој повод Џастин на овој ден ѝ посвети емотивна порака на својата сопруга.

Тој на својот Инстаграм профил објави неколку приватни фотографии со Хејли, а покрај нив со емотивна порака покажа колку многу ја сака.

„На мојата најмила, мојата сакана. Пет години. Ми го зароби срцето. Од длабочините на душата знам дека ова мое патување со тебе ќе ги надмине сите мои најлуди очекувања. Да продолжиме да сонуваме. Да наздравиме засекогаш. Те сакам со целото мое тело“, напиша Џастин.

Голем број на обожавателите им честитаа, а во коментарите реалити ѕвездата Клои Кардашијан напиша дека „срцето и е среќно“ за нив двајца.

Инаку, Хејли и Џастин се запознаа во 2009 година, на почетокот на неговата кариера. Започнаа да се гледаат во 2016 година, но тогаш изјавија дека нивната врска не е толку сериозна. Тие раскинаа истата година.

Две години подоцна повторно почнаа да излегуваат и набрзо потоа се верија. Истата година се венчаа на интимна церемонија, а во 2019 година направија и гламурозна венчавка.

ВИДЕО | Ремзи-Хантов синдром: Дали Џастин Бибер се избори со парализата на лицето?

ФОТО+ВИДЕО | „Типична зла девојка“: Хeјли Бибер облече бел фустан на свадбата на нејзината пријателка