Тејлор Свифт (33) и нејзиното ново момче, Мети Хили (34), беа сликани заедно за прв пат во текот на викендот.
Наводниот романтичен пар беше фотографиран како пристигнува во станот на Свифт во Нешвил, Тенеси, во 12:30 часот, неделата наутро, објави Дејли меил.
Свифт и Хили, пејачот и гитарист на „The 1975“, седеле на задното седиште на автомобилот, кој го управувал шофер.

Taylor Swift and Matty Healy seen arriving to her Nashville condo in new photos obtained by Daily Mail. pic.twitter.com/K82TASQ5T6

— Pop Base (@PopBase) May 7, 2023

Фотографиите од славна двојка се појавија по шоуто на Свифт во Мјузик Сити, саботата навечер, за време на кое Хили се прикраде на сцената и настапи со Фиби Бриџерс, по што се упати до ВИП-делот за да го гледа шоуто заедно со другарките на Тејлор.
Свифт и Хили беа романтично поврзани за момент во 2014 година и наводно од тогаш останале пријатели.
Двајцата музичари се „лудо вљубени“ и подготвени да излезат во јавноста со нивната нова врска, изјави за „Сан“извор кој тврди дека е близок со пејачката.
И покрај тоа што, никој од познатата двојка сѐ уште јавно не се огласил по повод гласините, настапот и присуството на Хили на концертот на Тејлор и новите фотографии од автомобилот доволно говорат за нивниот однос.
И двајцата пејачи моментално се на турнеја низ земјата.