Динамо Загреб започна изненадувачки со триумф на стартот во Лигата на шампионите со домашната победа над Челси на стадионот „Максимир“.

Македонскиот репрезентативец Аријан Адеми кој е капитен на хрватскиот првак го одигра скоро целиот меч и по завршувањето на истиот го доби признанието за играч на натпреварот.

– Направивме навистина добри работи денеска, одигравме квалитетен натпревар, победивме моќен противник и кога требаше да се браниме, одлично се браневме. Секоја чест за играчите, тренерот и сите. Заслужена победа. Газдата ни кажа така и ние намерно им ја препуштивме топката, играа висок пресинг. Добро ги одработивме задачите, има простор да бидеме уште подобри и се надевам дека ќе бидеме и во следните натпревар – рече Адеми по мечот со лондонските „сини“, а пренесува „24сата.хр“.

Следниот меч Динамо ќе го има 14 септември на гостувањето против Милан на „Сан Сиро“.

– Знаеме колку ќе биде тешко, треба и понатаму да се бориме. Прво сакаме да ги освоиме бодовите во Горица (10 септември), а потоа ќе размислуваме за дуелот со Милан – се зборовите на Адеми.

View this post on Instagram

A post shared by GNK Dinamo (@gnkdinamo)