ФИФА со сериозна опомена за Бразил и бразилскиот фудбал
ФИФА ја предупреди Бразилската фудбалска конфедерација (ЦБФ) на можни санкции, вклучително и суспензија од меѓународните натпреварувања, поради потенцијално мешање во изборот на новиот шеф на организацијата, пренесува АП.
Идните претседателски избори во рамките на Фудбалската конфедерација на Бразил, кои ќе се одржат во јануари, будно ќе ги следат претставници на ФИФА и КОНМЕБОЛ, а во случај на нерегуларности оваа организација може да сноси значителни последици.
Светската фудбалска организација е загрижена дека државниот врв преку политика би можел да се вмеша во изборите за нов претседател на националната конфедерација, што е строго забрането и затоа ќе биде испратена посебна комисија во Бразил да ги следи изборите.
Тие ќе пристигнат во Рио де Жанеиро на 8 јануари 2024 година, со цел да го придружуваат целиот процес на избор на новиот прв човек на бразилскиот фудбал.
За потсетување, претходниот претседател Едналдо Родригес беше сменет од таа функција на почетокот на декември на барање на Судот на правдата, но бидејќи ФИФА не дозволува политиката да се меша во работата на федерацијата, постои можност репрезентацијата на Бразил, како и сите клубови, ќе бидат исфрлени од меѓународната сцена.
#FIFA warned #Brazil on Sunday it could suspend its national teams and clubs from international competitions if an intervention by its #soccer body leads to the election of a new president in January.
More information here: https://t.co/fxpHv2wRIE pic.twitter.com/hrnKOto2oB
— Khaleej Times (@khaleejtimes) December 25, 2023