Македонската А репрезентација во март играше плеј-оф натпревари за пласман на Светското првенство во Катар 2022 година.

Нашите најдобри фудбалери на 24 март во Палермо приредија огромно изненадување елиминирајќи го актуелниот европски шампион Италија со 0:1.

Стрелец на единствениот гол беше Александар Трајковски со прекрасен погодок во самиот финиш од средбата на стадионот „Ренцо Барбера“.

На тој меч од трибините нашата селекција имаше поддршка околу 1500 навивачи.

Во славењето на големиот успех нашите навивачи искористија пиротехника што е спротивно на правилникот на Светската фудбалска куќа (ФИФА).

Фудбалската федерација на Македонија поради палењето пиротехника треба да плати парична казна од скоро 2000 евра.