Италијанскиот производител на автомобили „Фиат“ ќе престане да произведува сиви автомобили, објави мултинационалниот производител на автомобили Стелантис, кој е сопственик на марката.

„Фиат“ од денеска ќе престане да произведува сиви автомобили. Одлуката е донесена за да се истакне важноста на боите во животот и има за цел дополнително да го зајакне лидерството на „Фиат“ како бренд на радост, боја и оптимизам, отелотворувајќи го италијанскиот начин на живот и потврдувајќи ја новата вредност на брендот „Долче Вита“, изјави извршниот директор Оливие Франсоа.

Палетата на бои за каросеријата на автомобилите е инспирирана од италијанското море, сонце, земја и небо, се вели во најавата. Франсоа додаде дека компанијата сака да ги инспирира луѓето да живеат со оптимизам и позитивност, што ќе биде една од мисијата на новиот електричен автомобил „Фиат 600е“, кој ќе биде претставен на 4 јули, пишува Политика.рс.