Доколку порано одевте специјално во гостилница за да уживате во топла и вкусна телешка чорба, сега истата можете да си ја приготвите и дома, но по нов рецепт. Киселата зелка е дел од секоја трпеза во овој период од годината, но дали сте пробале телешка чорба со кисела зелка? Оваа чорба ќе биде вашиот нов еликсир во чинија кој ќе ви даде енергија по напорниот работен ден.

Состојки:

– 1 кг телешко месо
– 500 г кисела зелка
– 3 компир
– 2 главици кромид
– 2 морков
– 2 домати
– пола китка магдонос
– ловоров лист
– 20гр бибер во зрно
– буковец (по вкус)

Подготовка:

Прво месото треба убаво да се свари. Подготовката трае околу еден час во длабок сад со вода со неколку ливчиња ловоров лист и црн пипер во зрно.

Откако убаво месото ќе се исече на ситни коцки и во истата течност колку е преостаната во самото тенџере од варењето на месото се додаваат киселата зелка, компирите и доматите и се варат заедно со месото уште 20 минути.

Во друга тава на оган со масло се става морковот, кој е претходно убаво изрендан на ситно заедно со ситно исечканиот кромид да се запржат заедно неколку минути, а потоа се додаваат во тенџерето со сите состојки и се варат уште 10 минути кога се додава и магдоност кој е исто така убаво исечкан.

По желба декорирајте со малку кисела павлака и парче лимон. Се сервира супата додека е топла.

Добар апетот!