Жените имаат менструален циклус во четири фази: менструација, фоликуларна фаза, овулација и лутеална фаза, кои обично траат 28 дена. Во тоа време, жените може да доживеат неурамнотежени нивоа на хормони, замор, надуеност или интензивни грчеви, што за многу жени влијае на нормалното извршување на секојдневните задачи.

Сепак, промената во вежбањето може да ги олесни менструалните грчеви, вели тренерот за здравје и фитнес Џоди Монтлејк. Таа објаснува дека жените треба да ја променат рутината за вежбање за време на менструалниот циклус за да ги намалат грчевите и другите симптоми, пишува „Њујоркпост“.

„Вклучувањето на активности како пилатес, јога или пешачење може да ја олесни менструалната болка и да ја подобри целокупната благосостојба“, истакнува Монтлејк.

Жените можат да почнат со овие вежби пред или по менструацијата за да може телото да се навикне на тоа, а вежбата ќе биде попријатна и поефективна за време на менструацијата.

Менструација

Жените треба да ги менуваат рутините за вежбање за време на менструалниот циклус за да ги намалат менструалните грчеви и другите симптоми.

„Вклучувањето на активности со мал ефект како пилатес, јога или одење може да ја ублажи менструалната болка и да ја промовира целокупната благосостојба“, изјави Џоди Монтлејк од Лондон.

Дури и нежното одење или истегнување може да направи разлика во вашето тело. Вклучувањето на физичката кондиција со мал ефект во вашата рутина му овозможува на телото да се прилагоди на покачените нивоа на хормони што телото ги доживува.

„Започнувањето на овие рутини пред или по менструацијата му помага на телото да се прилагоди, правејќи го вежбањето попријатно и поефикасно кога ќе дојде менструацијата“, додаде Монтлејк.

Фоликуларна фаза

Фоликуларната фаза е најдолгата фаза од вашиот менструален циклус. Вклучувањето на кардио вежби со висок интензитет во оваа фаза може да го подобри вашето кардиоваскуларно здравје, како што е протокот на крв и да ги ублажи грчевите. Можете да воведете вежби како трчање, возење велосипед, склекови, кревање тегови или бокс.

„Со прилагодување на потребите на вашето тело и почитување на неговите природни циклуси, можете да негувате избалансиран и одржлив пристап кон вежбањето кој го поддржува целокупното здравје и благосостојба“, објаснува Монтлејк.

Овулација

Жените доживуваат високо ниво на енергија за време на овулацијата, што најдобро се користи за енергични вежби, истакнува експертката. Друга причина зошто треба да вежбате за време на овулацијата е фактот што на многу жени им е тешко да се принудат да вежбаат за време на лутеалната фаза што доаѓа по овулацијата.

Лутеална фаза

Лутеалната фаза завршува кога ќе добиете менструација, а најчесто тоа се случува од 22-ри до 28-ми ден од циклусот. Во овој период се препорачува да се прават вежби со низок интензитет и да се додаде подолг период на одмор со цел телото да се прилагоди. Ако мислите дека можете да правите поинтензивни вежби, слободно направете го тоа, но престанете ако чувствувате непријатност.