Во Канада е забележан пораст од 58 отсто од труење на луѓе со хемикалии за чистење и дезинфекција, а експертите велат дека само нивното вдишување може да биде опасно.

Според извештаите, расте бројот на Канаѓани кои случајно се отруле со дезинфекциски средства дома за да спречат можноста на ширење на заразата.

Здравствената установа „Health Canada“ соопштила дека во февруари и март се зголемил процентот на 58 отсто од пријавените труења од изложеност на хемиски средства, во споредба со истиот период за време на 2019 година.

Жалбите со кои се јавувале луѓето биле печење на очите, проблеми со дишење, како и деца кои пијат средства за чистење.

Џим Чан, пензиониран јавен здравствен инспектор од Торонто, вели дека луѓето можат да умрат од комбинации на испарување на хемиски средства за чистење.

Многу луѓе признале дека за време на пандемијата го зголемиле чистењето на површините дома со агресивни средства како би се заштитиле од коронавирусот.

Сепак, покрај пандемијата, луѓето треба да бидат многу внимателни со дезинфекциски средства и да ги држат поддалеку од дофатот на децата.