ЕКСКЛУЗИВНО Чулев за „Слободен печат“: Ќе доцнат пасошите со „Северна Македонија“, не се знае како треба да изгледаат

Драмата со недостигот на пасошите во Министерството за внатрешни работи, нема да заврши на 24 март, за кога се очекува компанијата „Веридос“ која 40 проценти е во сопственост на германската држава да ѝ испорача на Македонија 100.000 обрасци за пасош.

Техничкиот министер за внатрешни работи Наќе Чулев, во изјава за „Слободен печат“ тврди дека проблем има и со пасошите и останатите лични документи како возачки дозволи и лични карти, кои граѓаните допрва ќе треба да ги вадат, а кои ќе го содржат новото уставно име „Република Северна Македонија“.

Тој тврди дека моментално, машините во МВР не се оспособени да печатат пасоши со „Северна Македонија“ на нив, зашто има хардвер за таа намена, ама нема софтвер. Освен тоа што нема софтвер, не се стигнати ниту обрасци за пасош со „Северна Македонија“ на нив, зашто на германскиот „Веридос“ не му било кажано со какви технички спецификации да ги изработи документите, односно „Веридос“ не знае како треба да изгледаат обрасците што треба да ѝ ги испорача на Македонија.

Прочитајте и...  Два дена без починати од коронавирус, Скопје на врвот во однос на бројот на заболени

– Работата е во тоа што има аномалија во нарачката склучена за пасоши со новото уставно име „Република Северна Македонија“. Кога се правела нарачката, во делот каде што треба да бидат внесени техничките спецификации за изработка на личните документи е оставен празен простор. А нарачката е направена и платена. Платено е и за личните карти, и за возачките дозволи, и за пасошите со новото уставно име. Не требало да направат порачка без претходно да ги дефинираат техничките спецификации. А тоа е, каде да го пишува името на пасошот, на кој јазик да го пишува презимето, дали да има националност, државјанство, каде да стои бројот. Со едноставни зборови, како да изгледа документот – ни изјави Чулев.

Прочитајте и...  Четири војници загинаа во хеликоптерска несреќа во Русија

Тој додаде дека германскиот економски оператор „Веридос“ не може да ги изработи обрасците за личните документи без да има точен опис како тие треба да изгледаат. Германците од „Веридос“ дошле во МВР пред две недели, за да допрва да го утврдуваат изгледот на обрасците за личните документи со „Северна Македонија“. Имало напредок, ама уште не е финално утврдено како треба да изгледаат документите со уставното име.

– Јас не верувам дека во септември ќе стигнат и ви ги пренесувам работите како што ми ги пренесе управувачкиот комитет. Ќе има задоцнување, можеби ќе стигнат во октомври, можеби во ноември. „Веридос“ вели, дека од денот на нарачката, им требаат 6 месеци за да ги испорачаат документите. Такашто, најискрено мислам дека во септември нема да се стигне, ќе има мало пролонгирање – ни рече Чулев.

Прочитајте и...  Караџоски: Не очекувам зголемен број на заразени дотаму да ние да не можеме да го држиме под контрола

Според информацијата што техничкиот министер ја добил од правните експерти, графичките дизајнери и луѓето што работат во јавни набавки – постоеле дилеми во однос на примената на Законот за јазици.

Запрашан за пасошката криза која моментално ги вознемирува македонските граѓани, Чулев ни рече дека се прават големи напори тие да стигнат и десетина дена порано, но за тоа не може да се гарантира.

– Премиерот Оливер Спасовски ми кажа дека разговарал со лидершипот на Германија и добил ветување дека ќе се испорачаат 10 дена порано од 24 март. Ама не можам да знам со сигурност, прашајте го него – рече Чулев.

Прочитај повеќе

Димитров ќе земе учество на конференција на Советот на Јадранско–јонската иницијатива

Слободен печат

„Излегувај надвор“- Жена без маска грубо избркана од маркет од купувачите (ВИДЕО)

Слободен печат

Венецуела со авиони ловци ги штити петте иранските танкери

Слободен печат

Еваристе Ндајишимије избран за претседател на Бурунди

Слободен печат

Филипче: Само со придржување до мерките може постепено да се враќаме во нормала, алтернатива на тоа е строга рестрикција

Слободен печат

Италијанската полиција уапси 10 припадници на мафијата „Ндрангета“

Слободен печат

Остави Коментар

Прочитај повеќе

Расте бројот на деца кои живеат во сиромаштија – ќе се зголеми на 672 милиони

Слободен печат

Кофинансирани грантови за технолошки развој за надминување на последиците од КОВИД-19

Слободен печат

Бугарите атакуваат и на српскиот јазик: Во времето кога се формирал српскиот јазик Бугарите не беа Словени

Слободен печат

ВМРО-ДПМНЕ: Македонија иако имаше ригорозни мерки не се справи со вирусот

Слободен печат

Гренел: САД подготвуваат нови санкции за Северен поток -2

МИА Агенција

Финансиска поддршка за април и мај ќе добијат филмските работници и тие што останале без работа

Слободен печат