ЕХФ му го честиташе јубилејот на Дејан Манасков! (ФОТО)
Во 100. официјален настап за унгарскиот ракометен гигант Веспрем македонското лево крило запиша три голови против тимот на Кил.
Европската ракометна федерација на својот Твитер профил му го честиташе 100. официјален настап на македонскиот репрезентативец во дресот на Веспрем.
Дејан Манасков има точно 100 настапи за унгарскиот клуб кој денеска беше поразен минимално на гостувањето кај Кил во рамките од 12. коло во Лигата на шампионите со 29:28.
? Congrats!!! ? #KIEVES #veluxehfcl #ehfcl https://t.co/IukqSo5K2M
— EHF Champions League (@ehfcl) February 12, 2020
На тој начин бундеслигашот уште повеќе ја зацврсти првата позиција во групата „Б“ која води директно во четвртфиналето, а Веспрем таму ќе мора преку осминафиналната фаза.
Кај домаќините во „Шпаркасен“ Арената пред нешто над 10.000 илјади гледачи на трибините најефикасен беше Екберг со осум голови.
На спротивната страна по пет погодоци имаа поранешниот Вардарец Борозан и Нилсон, а нашиот Манасков на јубилејот трипати се запиша во листата на стрелците.