Официјално на 49 меѓународен ракометен турнир Струга 2021, кој ќе се одржи на ракометното игралиште „Горан Попоски – Бабец“ во Струга, вкупно ќе земат учество шест екипи.

Годинава нема да учествуваат клубови од странство, овој турнир ќе послужи како добра подготовка за македонските екипи пред новата сезона.

Турнирот ќе се одржи во периодот од 12-15 август, формирани се две групи, во групата „1“ се наоѓаат Струга, Бутел и Вардар 1961, додека во групата „2“ се Тиквеш, Металург и Е. Пелистер.

На првиот ден, 12 август, од 18.30 часот Струга ќе игра против Вардар 1961, од 20.00 часот е свеченото отворање, а од 21.00 часот Тиквеш се соочува со Металург.

Во ланското 48 издание првото место го освои Е. Пелистер, пред Вардар 1861 и Металург.

На вториот ден, 13 август, Бутел од 19.00 часот за ривал ја има Струга, а од 21.00 часот Е. Пелистер ќе игра со Металург.

На третиот ден, 14 август“, Тиквеш-Е. Пелистер и од 21.00 часот Вардар 1961-Бутел. На последниот ден, 15 август, се мечевите за пласман.

Од 17.15 часот ќе биде натпреварот за петтото место, од 19.15 часот дуелот за третото место и за трофејот од 21.15 часот.