Британскиот боксер Ентони Џошуа изјави дека во декември ќе биде подготвен да се бори против својот сонародник Тајсон Фјури, кој претходно го предизвика во „Битката за Британија“.

Фјури е сопственик на појасот на ВБЦ во тешка категорија, а моментално е во боксерска пензија од која е подготвен да излезе.

Фјури му понуди на Џошуа да се бори против него за титулата ВБЦ во наредните месеци, по што следуваше одговорот:

– Да, само смири се. Не ми треба онлајн дискусија само за влијание. Доколку си навистина си за борба, ќе бидам подготвен во декември – напиша Џошуа на социјалните мрежи.

Фјури има 32 победи и едно реми против Деонтеј Вајлдер во 33 борби во кариерата. Од друга страна, Џошуа забележа 24 победи и три порази во 27 борби, два од против Олександр Усик и еден од Андрес Енди Руиз.