Џастин Бибер ѝ одговори на мајка му по објавата дека се моли за него: „Исусе, исцели ја секоја рана во неговото срце“
Две недели откако мајката на поп-ѕвездата, Пети Малет, јавно сподели молитва за својот син, Џастин Бибер конечно ѝ возврати со коментар, пишува „Пипл“.
Препорачано
На 22 септември Малет (50) објави серија фотографии од 31-годишниот пејач, со долга порака во која изрази колку силно се моли за него.
„Ја изјавувам слободата, силата, јасноста и исцелението над тебе, Џастин. Секој синџир на страв, забуна, тежина и болка нека биде скршен во името на Исус. Свети Духу, опкружи го со вистина, светлина и заштита. Исцели ја секоја рана во неговото срце, ум и тело, видлива и невидлива, врати го она што било одземено и покриј го со целост“, напиша таа.
Во продолжение додаде: „Исполни го со твојата љубов и утеха до преполнетост. Продолжи да го издигаш како глас за твоето царство, непоколеблив и запален за тебе, Господи. Замолчи го секој глас што не доаѓа од тебе, и нека неговиот живот биде сведоштво за твојата моќ, љубов и исцелителна благодат. Кажете амин ако се согласувате“.
View this post on Instagram
По неколку недели тишина, Бибер конечно ѝ одговори со шеговит тон: „Единственото исцелување што ми треба е од искривениот мал прст на ногата, од играње пинг-понг“.
Не е сосема јасно на што точно се однесувала Пети Малет во својата молитва, но Џастин пред нејзината објава, на 20 септември, објави сопствена порака за верата и славата.
„Исус нè учи дека нашиот труд е само одговор на дарот на животот и простувањето“, напиша тогаш пејачот, додавајќи дека „растот станува желба поради благодатта што сме ја примиле“.
Бибер неодамна го издаде новиот албум „Swag II“ со песни како „Story of God“ и „Everything Hallelujah“, продолжение на „Swag“ од јули. Во најновиот видеозапис за песната „Speed Demon“ носи маица со натпис „Pray for Me“.
Извор близок до парот за „Пипл“ изјави дека Џастин и неговата сопруга Хејли Бибер се силни и поврзани повеќе од кога било, иако минале низ предизвици кои само ја зајакнале нивната врска. Двојката неодамна ја прослави седмата годишнина од бракот и првиот роденден на нивниот син, Џек Блуз.
