Џафери во вторник ќе биде домаќин на бугарскиот колега Желјазков
Претседателот на Собранието Талат Џафери во вторник ќе го пречека бугарскиот колега Росен Желјазков. Како што јавуваат бугарските медиуми, Желјазков и Џафери заедно ќе ја отворат изложбата „Сребрена Тракија“ во Археолошкиот музеј.
Изложбата е организирана од Националниот археолошки институт со музеј при Бугарската академија и ќе бидат претставени 1700 експонати од 18 бугарски национални, регионални и општински музеи.
Претседателот на бугарскиот Парламент пред работаната посета, ќе ја посети црквата „Свети Спас“ и ќе положи венец пред саркофагот на Гоце Делчев. Потоа Желјазков ќе присуствува на настан организиран од Бугарскиот културно информативен центар во Скопје, на којшто ќе бидат поделени ваучери за интернет обука за деца со посебни потреби, на нивни родители и наставници.