Граничната полиција на „Деве Баир“ вчера, во два одделни случаи, привела двајца турски камионџии кои се обиделе со фалсификувани зелени картони да влезат во државата.

„На 27.12.2023 во 13.00 часот на Граничниот премин „Деве Баир“, полициски службеници го лишиле од слобода О.Л.(62) од Република Турција затоа што при пасошка контрола на увид приложил фалсификуван зелен картон за товарното возило „форд“ и полуприколка со турски национални ознаки, кое го управувал.“

Половина час потоа, шеесетгодишен Турчин кој возел камион се обидел на истиот начин да влзе во државата.

„На 27.12.2023 во 13.30 часот на Граничниот премин „Деве Баир“, полициски службеници го лишиле од слобода Ј.К.Ц.(60) од Република Турција затоа што при пасошка контрола на увид приложил фалсификуван зелен картон за товарното возило „мерцедес“ со турски национални ознаки, кое го управувал. Тој бил предаден на полициски службеници во ОВР Крива Паланка за понатамошна постапка“, информираат од МВР.