Демократската Унија за Интеграција апелира и ги повикува граѓаните да не ги одбиваат тестирањата, да соработуваат при анкетирањето и да ги одбегнуваат сите околности каде можат да се експонираат на можна инфекција.

-Вирусот CoVid-19 е присутен и се проширува загрозувајќи го здравјето на граѓаните, затоа заедно треба да го спречиме. Здравјето е најбитно и примарно и затоа секој од нас треба максимално треба да ја зголеми заштитата. Да ги избегнуваме фамилијарните и пријателските собирања да ги прифатиме тестирањата и анкетирањата, максимално да одржуваме хигиена, да не излегуваме од дома без заштитни маски и да држиме физичко растојание. Враќањето во нормалност може да се оствари само преку максималното почитување на мерките, а нашето невнимание и непочитување на мерките може да предизвикува непредвидливи последици кон здравјето, економијата и општеството- стои во соопштението од ДУИ.