Дрон снимил нешто НЕОБИЧНО покрај пештера: Решиле случај стар 17 години, НЕ ИМ СЕ ВЕРУВАЛО што пронашле (ФОТО)
Кинеската полиција уапсила бегалец кој бил во бегство веќе 17 години, откако со помош на беспилотно летало го откриле неговото скривалиште.
Мажот (63), кого полицијата го идентификувала како Сонг Џианг, бил во затвор заради трговија со жени и деца, но во 2002 година побегнал.
Со години живеел во мала пештера оддалечена од човечка интеракција. Полицијата добила дојави за тоа каде се наоѓа Сонг на почеток на септември. Тие траги ги воделе до планините зад неговиот роден град во провинцијата Јунан во југозападна Кина.
Откако вообичаените истраги не успеале да пронајдат ништо, властите испратиле додатни беспилотни летала да им помогнат на офицерите. Дроновите на крајот забележале челична плочка во плава боја, како и траги од домаќинство во близина.
Полицијата потоа тргнала натаму и го пронашла Сонг во мала пештера во која се криел со години. Според полицијата, мажот толку долго живеел во самица, што му било тешко да комуницира со службениците.
Државните медиуми наведуваат дека мажот користел пластично шише за да се снабдува со вода за пиење од реката и дека користел гранки од дрва за да пали оган.
Тој бил вратен во затвор.