Доставувач на храна е херој во Даблин: Со својот шлем го совладал напаѓачот кој со нож рани петмина
Доставувач на храна од Даблин за локалните медиуми изјавил дека во моментот кога видел непознат маж како напаѓа мало девојче со нож, без размислување се симнал од велосипедот, го извадил шлемот и го нападнал напаѓачот.
Бразилецот Каио Бенисио (43) веднаш го удрил напаѓачот со шлемот, а други граѓани му помогнале да го совладаат, раскажува тој. Синоќа во Даблин во напад со нож беа повредени пет лица, меѓу кои три мали деца.
Се уште не е утврден мотивот за нападот кој се случил во близина на училиште. Набрзо избувнаа жестоки немири во центарот на Даблин. Дошло до конфликт меѓу полицијата и толпата луѓе. Полицијата веднаш излезе на улица, а на улиците имаше неколку запалени автомобили.
„Не ја ни донесов таа одлука, тоа беше чист инстинкт, и се беше готово во секунда. Тој падна на земја, не видов каде отиде ножот, а други луѓе скокнаа“, изјави Бразилецот за Ајриш Журнал.
🔥🚨BREAKING NEWS: Immigrants are looting shops in Dublin Ireland. pic.twitter.com/Id69Ufgw77
— Dom Lucre | Breaker of Narratives (@dom_lucre) November 24, 2023
„Имам две деца, па морав да направам нешто. Го направив она што секој би го направил. Луѓето беа таму, но не можеа да влезат бидејќи беше вооружен, но знаев дека можам да го користам мојот шлем како оружје“, додава тој.
Бенисио вели дека неговите мисли сега се насочени кон петгодишното девојче кое го видел, а кое е тешко повредено.
„Да не преживеаше детето, секогаш ќе мислев дека можев да бидам побрз. Неодамна решив да направам операција на коленото, полека се симнав од велосипедот, дали можев да бидам побрз? Ако преживеат сите жртви, ќе бидам благодарен дека сум бил на вистинското место во вистинско време. Се сеќавам на сè во блиц. Се чинеше дека се е готово за неколку секунди““, додаде Каио.
BREAKING:
Major riots are taking place in Dublin in response to a mass-stabbing earlier today.
An Algerian man entered a school and stabbed 1 women and 3 young children.
2 of them are in serious condition. pic.twitter.com/qAjFW6agl9
— Visegrád 24 (@visegrad24) November 23, 2023
Бенисио, како што вели, дошол во Ирска на работа откако му изгорел ресторанот во Бразил. Тој се надева дека неговите деца еден ден ќе дојдат овде. Тој вели дека бил тажен кога го видел хаосот на улиците на Даблин со антиимигрантскиот однос на екстремно десничарските актери кои го започнале. „Изгледа дека ги мразат имигрантите. Па, јас сум имигрант и направив се што можев за да се обидам да го спасам тоа мало девојче“, рече Каио.