Репрезентацијата на Канада ја совлада Словенија и обезбеди место во полуфиналето на Мундобаскетот (100:89).

Првото полувреме донесе изедначена игра, па така и се замина на пауза, но веќе во третата четвртина Канаѓаните заиграа многу подобро.

Набрзо направија предност од 80:71. Во одлучувачката четвртина, Канада имаше и максимални +16 поени, додека Лука Дончиќ ги губеше нервите и реагираше на секоја судиска одлука.

Фрустрацијата на Дончиќ резултираше со негово исклучување поради две технички грешки, па Словенците без својот најдобар кошкаркар бркаа негатива. Имаа Словенците и без Дончиќ обид за кам-бек, меѓутоа Канада не дозволи изненадување.

За место во финалето, Канада ќе игра против Србија, додека во второто полуфинале играат Германија и САД.

Мундобаскет: Германија закажа полуфинале против САД