Американскиот пејач Џејсон Деруло објави бизарно видео на социјалната мрежа Тик-Ток, на кое јаде пченка забодена на бормашина која се врти и притоа си ги скрши предните заби, а видеото стана вирално на социјалните мрежи.

30-годишниот музичар во последно време учествува во многу „луди“ видеоснимки што ги поставува на Тик-Ток.

Вчерашната „сплетка“ што ја смислил дека пченка може да се јаде од бормашина што ротира, не му пројде добро.

„Еј, дали сте го виделе ова? Отсекогаш сакав да пробам вака да јадам. Не го пробувајте ова дома“, рече Деруло на почетокот на видеото.

Фановите нагаѓаат дека Деруло носел навлаки на забите за да постигне ваков резултат и да се пошегува.

Други сметаат дека сето ова е дело на добар фотошоп и дека се гледа дека компјутерски ги избришал забите.