Возачот на „камионот на смртта“ кој беше обвиенет за убиство на 39 луѓе кои беа пронајдени во приколка-ладлник, бил дел од „глобален ланец“ за шверц на мигранти, тврдат обивнителите, а пренесуваат британските медиуми.

Морис „Мо“ Робинсон од Крегавон останува во притвор, а денес пред судот се појави со видео-линк, откако беше обвинет за убиство, заговор за шверц на луѓе, заговарање на нелегална миграција и перење на пари.

Според „Дејли меил“, тој на видео-линкот се појавил со сива маица и не покажувал емоции додека му биле читани сите обвиненија против него.

Телата на 39-те загинати лица беа пронајдени во приколка-ладилник на неговиот камион, во близина на една индустриска зона во Есекс, Англија.

Иако првично се веруваше дека луѓето кои загинаа во приколката се од кинеска националност, потврдено е дека неколку од жртвите се од Виетнам, а според пишувањата на Би-Би-Си, во таа земја е испратена и ДНК од жртвите за помош при нивна идентификација.