Пејачката Деми Ловато минатата недела ја прекина свршувачката со Макс Ерих, по само шест месеци заедно. Деми (28) била „целосно засрамена“ од постапките на нејзиниот поранешен свршеник.

По разделбата, актерот Макс (29) јавно зборуваше за неговата страна од приказната за разделбата, тврдејќи дека за тоа дознал од медиумите и дека таа им дозволувала на нејзините обожаватели да го „малтретираат“.

Макс минатиот викенд бил снимен на истата плажа во Малибу каде што ја запросил пејачката Деми, бил сам и изгледал многу тажен. Во видеото кое беше објавено на „TMZ“ може да се види како шета по плажата и во еден момент седнува на песокот со главата потрепна на своите дланки, како да плаче.

„Деми не сака да има контакт со Макс во овој момент“, рекол извор близок до пејачката. „Таа е целосно засрамена од начинот на кој тој се однесува и зборува за нивната врска.“

InstagramИзворот тврдел дека актерот постојано се обидувал приватно да контактира со Ловато. А од друга страна пак објавил:

„Утрово едно поглавје конечно заврши. Вртам нов лист“, напишал актерот.

Љубовната драма која е под лупа на јавноста никако да заврши. Извор близок до поранешниот пар изјавил дека Макс „лажел“ дека за нивната разделба дознал од медимите, секако дека знаел за тоа пред да се прошири веста во јавноста.